Muntik ko ng mabuga itong kapeng timpla Pagkat pait ay abot naglagos sa dila Tamis ay tumusing sa aking diwa't mata, Pano-y nabubo yaong asukal sa luha..
Pait na ubod pait pagkit na't nag mantsa Nanlamig ang hawak sa paboritong tasa Dating nagpapawi sa lalamunang nasa, Ngayo'y namuhi sa nagpait na pagsinta..
Nasana'y na pag mulat amuy mo na'y amoy Nagyapos sa dibdib itong sinintang apoy Nawala ang lingas sa tungko niring kapoy, Kapeng nakasalang wala nang dating amoy..
Pinuti't binilad sa init ng pag-ibig Dinarang sa apoy niring pagsintang pipit Ngunit kapeng Barako'y iniwang malamig, Niring Hitar, na sa ibang kape umibig..
Ang aral ko'y sa yUPian lamang ng lata Nagbabay-bay ng titik mulagat ang mata Higop ang kape mong dating lasa'y malasa, Na ngayo'y nag tabang na't, iniwanan mo na..
Mahirap man pilit ititikom ang bibig Nang di mabubo itong pait saking dibdib Baka di mapigil itong naipong tinik, Sa mukha'y maisaboy ang kapeng mainit.
Tiim sa dilim titig sa palasingsingan Nagbulay sa kahapong kasama ka't dantay Habang higop ang kapeng lumamig sa kamay', Dalisdis ng luha, sa mata'y nagpa-ratay.
Sukat: Taludtod:(13)labing-tatluhing pantig Saknong:(4)apatan Quatrain Cesura:kada ikatlo at ikapat na taludtod.
Nagtimpla at nagtitik AngPoetmo Habang nakikinig sa awiting "Thats why you go away" 112721 LIPA-(d) BATANGAS🇵ðŸ‡
AngPoetMo🇵🇠